viral Video: पाणीपुरी म्हंटल की, अगदी सगळ्यांच्याच तोंडाला पाणी सुटतं. ऑफिस, शाळा, कॉलेजमधून घरी जाताना अनेकदा काहीतरी चटपटीत खाण्याची इच्छा होते. तेव्हा पाणीपुरी, शेवपुरी, दही चाट हे आपण ठरलेल्या पाणीपुरी विक्रेत्याकडेच खातो. तसेच पाणीपुरी विक्रेत्याला सुद्धा त्याच्या नेहमीच्या ग्राहकांच्या आवडी निवडी माहिती असतात. पण तुम्ही कधी एखाद्या ग्राहकाला पाणीपुरी विक्रेत्याला कोथिंबीर देताना पाहिलं आहे का? नाही… तर आज सोशल मीडियावर असाच एक व्हिडीओ व्हायरल होत आहे. .
व्हायरल व्हिडीओत एक कुटुंब पाणीपुरी खायला गेलेले असतात. तेव्हा विक्रेत्याकडे असणारी कोथिंबीर संपते. तेव्हा कुटुंबातील बाबा, तुझ्याकडे कोथिंबीर नाही का (धनिया नही है) असे म्हणत व घरून कोथिंबीरने भरलेला डब्बा रागाने घेऊन पाणीपुरी विक्रेत्याच्या गाडीजवळ येत असतात. नंतर कुटुंबातील दुसरी सदस्य डब्यातून कोथिंबीर काढते आणि विक्रेत्याला देते. घरून कोथिंबीर घेऊन येणारे बाबा नंतर विक्रेत्याची पाठ आपुलकीने थोपटताना दिसतात. एकदा पाहाच हा हृदयस्पर्शी व्हिडीओ.
व्हिडीओ नक्की बघा…
व्हायरल व्हिडीओत तुम्ही पाहिलं असेल की, पाणीपुरी विक्रेत्याकडची कोथिंबीर संपलेली असते. या गोष्टीमुळे पाणीपुरी विक्रेता थोडा निराश होतो. तसेच हे समजताच त्यांचे नेहमीचे ग्राहक त्याची मोठ्या मानाने मदत करतात आणि स्वतःच्या घरातून कोथिंबीर ठेवलेला डब्बा घेऊन येतात आणि विक्रेत्याला देतात ; जे पाहून तुमच्याही चेहऱ्यावर आनंद येईल.
सोशल मीडियावर हा व्हिडीओ @smokeandlime या इन्स्टाग्राम अकाउंटवरून शेअर करण्यात आला आहे. तसेच या व्हिडीओला ‘POV: तुमच्या कुटुंबातील सदस्यांना कोणतेही सामाजिक फिल्टर नसते’ ; अशी कॅप्शन या व्हिडीओला देण्यात आली आहे. नेटकरी हा व्हिडीओ पाहून विविध शब्दात या व्हिडीओचे कौतुक करताना कमेंटमध्ये दिसून आले आहेत.